મન....

 આ મન કેવી ચીજ છે

કાંઈ સમજાતું નહીં યાર ....

         આંખો વગર રડી શકે..

         પાંખો વગર ઉડી શકે 

         જોઈ શકે  દૃષ્ટિ વગર 

         જગતના પેલા પાર 

આ મન કેવી ચીજ છે

કાંઈ સમજાતું નહીં યાર ....

         

        શબ્દો વગર બોલી શકે 

        બોલ્યો શબ્દ ઝીલી શકે 

        એક પળ માં ભીની આંખો 

         બીજા પળે લાવે બહાર 

આ મન કેવી ચીજ છે

કાંઈ સમજાતું નહીં યાર ....

      કરતબ ઘણા કરી બતાવે 

      પગ વગર ફરી બતાવે 

     રૂ જેવું હલકું હલકું 

     ક્યારેક પથ્થર જેવો ભાર  

આ મન કેવી ચીજ છે

કાંઈ સમજાતું નહીં યાર ....

         

      આ જેટલું મોટું થાય 

      ભૂલો, અપરાધ સમાઈ જાય 

      આ જ્યારે ઊંચું થાય...

       એને કશું જ ન સમજાય 

       મક્કમ બની પહાડ ખોદે

      તોડી નાખે બંધન હજાર

આ મન કેવી ચીજ છે

કાંઈ સમજાતું નહીં યાર ....