એવી એક જગ્યા ....

 એક એવી જગ્યા

માથે-ખભે બોજો લઈ

આ ચાલતાં સૌ માનવી  

શોધતાં જગ્યા એવી 

બેસવા હળવા થઈ 

        જોઈએ જગ્યા એવી 

        કેમ અહીં ? ન પૂછે કોઈ

        ના મન ખોલવાનું કહે 

        ના ભાર તોલવાનું કહે 

કોઈ શર્ત સામે ન મૂકે

વંટોળ સામે ના ઝૂકે 

વિશ્વાસથી વિશ્વાસ ની 

 ડોર જે પકડી શકે

      ખૂબ મોટું છે  જગત 

       આવી એક જગ્યા જડે? 

        લાગણીના તાંતણાથી 

        ખડગ સામે જે લડે? 

ના જીતનો હિસ્સો બનું

ના હારનો કિસ્સો બનું

દુઃખ ટાણે યાદ આવે 

બસ..એવી જગ્યા બનું

     ...બસ..એવી જગ્યા બનું  .........

 

                    પંક્તિ